Төтенше жағдай режимі енгізілді
1 қазаннан бастап Словакия үкіметі елде төтенше жағдай режимін енгізу туралы шешім қабылдады.Бұл туралы журналистерге премьер-министр Игорь Матович хабарлады.
«Коронавируспен күресті күшейту мақсатында Үкімет ұсынысым бойынша 1 қазаннан бастап ТЖ режимін енгізу туралы шешім қабылдады. Бұл режим көктемдегімен салыстырғанда Денсаулық сақтау саласына ғана емес, біздің қоғамдық өміріміздің басқа да салаларына әсер етеді», – деді Матович.
Бұған дейін төтенше жағдай режимі Словакияда 16 наурыздан 16 маусымға дейін болған.
Естеріңізге салсақ, соңғы тәулікте Словакияда коронавирус жұқтырғандардың рекордтық саны тіркелді – 567 адам, ауруханаларда 75-78 жастағы үш науқас қайтыс болған. Пандемия кезеңінде Словакияда барлығы 10 141 адам коронавирус жұқтырып, 4395 адам жазылып, 48 адам көз жұмған.
"Айқын" ақпарат
