Жексенбі күні SpaceX компаниясының Falcon9 зымыран-тасығышымен бірге ұшырылған Zuma спутнигі есептелген орбитаға дейін жетпей, теңізге құлаған сәтінде жарылды. Бұл туралы дүйсенбі күні Reuters ақпарат агенттігі хабарлады.

Естеріңізге сала кетсек, Илон Масктың SpaceX компаниясы биліктің жасырын спутнигімен бірге Falcon9 зымыранын ұшырғанын хабарлаған болатынбыз. Бұл — америкалық компанияның 2018 жылы ұшырған алғашқы зымыраны. Аталған зымыран АҚШ ВВС базасынан ұшырылды. Әзірге спутниктің қандай мақсатта ұшырылғаны құпия сақталып отыр. Араға 8 минут салып тасымалдағыштың бірінші баспалдағы арнайы алаңға барып түсті.