Қытайдың ең бай адамы ақшасы жоқ кезде бақыттырақ болған
Қытайдың ең бай адамы қалтасында ақшасы жоқ кезде бақыттырақ болғанын айтты. Бұл туралы LADBible басылымы жазды.
Джек Ма (Jack Ma) – Alibaba Group компаниясының басшысы. Ол енді университет бітіріп, алғаш рет ақша тапқанда өзін бақытты сезінгенін айтты. Сол кезде Джек Ма жергілікті университеттердің бірінде ағылшын тілінің мұғалімі болып істеген. Миллиардердің ең алғашқы жалақысы 75 юань (3705 теңге) болған.
Ма бұған дейін де байлық оны бақытты етпейтінін мәлімдеген. 2015 жылы Нью-Йорктегі Экономикалық клубта сөйлеген кезде кімде бір миллион доллардан аз ақша болса ғана, ол сол ақшаны жұмсай алады деген.
Бүгінде Джек Маның 47,2 миллиард долларға жуық ақшасы бар. Ол – Қытайдың ең бай адамы.«Миллиард та сізге тиесілі емес. Менің бүгінгі күйім – жауапкершілік. Маған деген адамдардың сенімі», – деп мәлімдеді ол.
