Тараптардың тең төрағалары Қазақстан Қазақстан Республикасы Экология, геология және табиғи ресурстар вице-министрі Ерлан Нысанбаев пен Ресей Федерациясы Су ресурстары агенттігі басшысының орынбасары Вадим Никаноров қатысқан кездесуде Жайық, Ертіс және басқа ірі өзендер бассейндеріндегі зерттеулер жүргізуге ынтымақтастықты арттыру үшін бірыңғай жол картасы бекітілді. Сондай-ақ жиында тұрғындарды және экономика салаларын сумен қамту, ластанудың алдын алу, трансшекаралық өзендер суының таусылуы сынды мәселелер талқыланды.

Бүгінде жоғарыда аталған келісімге сәйкес трансшекаралық су объектілерін бірлесіп пайдалану және қорғау жөніндегі Қазақстан-Ресей Бірлескен комиссиясы және Ертіс, Есіл, Тобыл, Жайық, Қараөзен және Сарыөзен, Қиғаш өзендерінің бассейні бойынша 6 жұмыс тобы жұмыс істейді.