Автобус тексеріледі
Автомобиль жолында жолаушы мен жүкті тасымалдауды жүзеге асыратын жүргізушілер арасында көліктік тәртіпті арттыру, сондай-ақ желіде қызметін тіркеусіз жүретін азаматтарға қатысты бақылауды жетілдіру мақсатында ағымдағы жылдың шілде айының 16-18 күндері аралығында облыс аумағында «Автобус» жедел-профилактикалық іс-шарасы өтуде.
Облыс көлемінде көлік жолындаЖергілікті полиция қызметі, Әкімшілік полиция басқармасы, көліктік бақылау инспекциясының қызметкерімен бірлесіп, заңсыз тасымалдаушыларды анықтау бойынша тексеріс жүргізуде. Сонымен қатар, Көліктік бақылау басқармасы, Мемлекеттік кірістер комитеті өкілдерінің қатарынан мобильді топ жасақталып, алдын ала және кезең-кезеңімен, оның ішінде рейс алдында жүргізушіні мединалық қарау, олардың еңбек және демалыс режимін сақтауды қадағалау жоспарлануда.
