ВИРУСТАН ҚОРҒАНУДЫҢ ӘДІСІ ТҮСІНДІРІЛДІ
Қызылорда облысы әкімі аппаратының «Ақпараттық технологиялар орталығы» мен Қорқыт ата атындағы ҚМУ-дың ұйымдастыруымен IT-Park алаңында «Ақпараттық қауіпсіздік» тақырыбында шеберлік дәрісі өтті.
Мәселен, Дастан Айтбай веб сайтқа вирус жіберу арқылы сайттың жұмысына қалай тоқтау қоюға болатынын көрсетіп және бұл кибершабуылдан қорғанатын скриптік кодтардың жазылу алгоритмін түсіндірді. Ал «Қазақстан IT мамандары ассоциациясының» төрағасы Нұрлан Серікұлы қоғамдық орындағы ашық сымсыз желіге (WI FI) қосылған интернет пайдаланушының жеке мәліметін кибершабуыл арқылы қалай қолды қылатынын тәжірибе ретінде көрсетті. Тәжірибе барысында сымсыз желіге қосылған пайдаланушының вконтакте әлеуметтік желісінің логині мен құпия сөзін ашты. Бұл – IT-мамандары мен тұрғындар арасында екінші рет ұйымдастырылған кездесу. Алдағы уақытта бұл бағыттағы шаралар тұрақты өткізіледі.
