ТУРНИР ӨТТІ
Астана қаласының 20 және Қызылорда қаласының 200 жылдығына орай, жастар ресурстық орталығының алаңында «Жігер» Қызылорда облысы мүгедектерінің қоғамдық бірлестігі және облыстық "Жастар ресурстық орталығы" КММ ұйымдастыруымен мүмкіндігі шектеулі жастар арасында спорттық турнир ұйымдастырылды.
Мақсат – саламатты өмір салтын мүгедектерді оңалтудың негізгі құралы ретінде насихаттау, мүмкіндігі шектеулі жастардың потенциалын көрсету. Спорттық турнир дойбы, мылтық ату, үстел теннисі және баскетбол шеңберіне допты лақтыру бойынша өтті. Турнир жеңімпазы диплом және бағалы сыйлықпен марапатталды.
