Ұлттық қолөнер – ұлт қазынасы
Қызылорда облыстық ішкі саясат басқармасы және «Қазақылықтың атамекені» қоғамдық қорының қолдауымен, «Алтын ұя» этнопедагогикалық қоғамдық қорының ұйымдастыруымен «Ұлттық қолөнер – ұлт қазынасы» атты жобаны жүзеге асырды. Жобаның мақсаты – «Ақ киіз» қолөнер үйірмесін жандандырып, ұлттық құндылықты насихаттап, киізден және басқа да материалдан қазақы нақышта түрлі қолөнер өнімін жасау. Жоба аясында жастармен семинар-тренинг, шеберлік сағаты өткізіліп, «Ақ киіз» үйірмесінің жұмысы таныстырылды. Аталмыш жобада Қазақ гуманитарлық заң және техникалық колледжінің қолөнерге бейім жастары белсенділік танытты.
