Д.Абаев: Әліпбидің жаңа нұсқасы тиімді болады
Бүгін Елбасы бекіткен қазақ әліпбиінің жаңа нұсқасы тиімді әрі шығыны жағынан қолайлы болады.Бұл туралы Ақпарат және коммуникациялар министрі Дәурен Абаев мәлімдеді. Сала басшысы Үкімет отырысынан кейін жаңа нұсқада апострофтардың жоқтығы жөнінде пікір білдірді. Оның айтуынша, ұлттық комиссия лингвистермен қоса IT мамандардың да ұсынысын ескерген.
Дәурен Абаев, ҚР Ақпарат және коммуникациялар министрі:
- Осы жолы ұлттық комиссияның арасындағы 5-6 топ ішінде әрқайсысында үлкен жұмыс атқарылды. Мен техникалық топты басқардым. Осы техникалық топтың апострофпен бірге қалай енгізілетін проблемасын қарадық. Сол проблеманы көтердік. Елбасы біздің айтқанымызды, мамандардың айтқанын естіп, жаңа нұсқаны енгізіп отыр. Бұл деген Елбасының дұрыс шешімі деп ойлауға болады.
