Тағы бір жұлдыз мектеп оқулығына енді
Жуырда ғана Димаш туралы сұрақтардың Қытай тестіне енгені жайлы ақпарат Қазнетті шулатқан еді. Қазақ жұрты мұны есімі әлемге танылған Димаштың кезекті жеңісі деп ұқты. Әлеуметтік желіде Димаш пен оның ата-анасын әлем халықтары құттықтап жатты.
Бұл туралы Stan.kz ақпараттық агенттігі хабарлайды.Дәл осындай мәртебеге әнші Ділназ Ахмадиева да ие болды. Оның өмірбаяны ағылшын тілі оқулығына енген. Ахмадиева қуанышты жаңалығымен желідегі парақшасында бөлісті.
Кітапта: “Ділназ Ахмадиева 1980 жылы туған. Ол небәрі 4 жасында фильмге түсіп, 6 жасында Алматы сахнасына шыққан. Ол 1990 жылдары танылды және бүгінде оның қоржынында 5 ән жинақ бар. Ол Азия және Еуропа елдерінде, сондай-ақ, Америка сахнасында өнер көрсеткен”, – деп жазылған.
Мұны көрген Ахмадиева кітап авторларына деген ризашылығын жеткізді.
“Рақмет, қуанып қалдым”, – деп жазды ол.
