Лондон және Нью-Йорк биржаларында бейсенбі күнгі сауданың нәтижесі бойынша мұнайдың бағасы төмендеді, деп хабарлайды «ҚазАқпарат» ХАА тілшісі.
Сауда қорытындысы бойынша, Лондонның ICE Futures биржасында мамырда жеткізілетін Brent маркалы мұнайдың фьючерстері бір баррельге 0,56 долларға дейін түсіп, 68,91 долларды құрады. Нью-Йорк тауар биржасында (NYMEX) WTI маркалы жеңіл мұнайдың мамыр айындағы фьючерстері бір баррельге 0,87 долларға арзандап, 64,3 доллар болды.