Бұл мереке адамзатқа бейбітшілік пен теңдікке деген ұмтылысын, сондай-ақ қарқынды дамуға деген ұмтылысын дәлелдеуге мүмкіндік береді. БҰҰ-ның бас хатшысы Антониу Гутерриш Наурыз мейрамын атап өтетін елдерді құттықтады, деп хабарлайды Baq.kz ақпарат агенттігі БҰҰ жаңалықтар Орталығына сілтеме жасап.
«Жер бетіндегі 300 миллионнан астам адам күн мен түн теңелетін Наурызды жыл басы ретінде атап өтеді. Бұл мереке адамзатқа бейбітшілік пен теңдікке деген ұмтылысын, сондай-ақ қарқынды дамуға деген ұмтылысын дәлелдеуге мүмкіндік береді», - дейді Гутерриш.
БҰҰ Бас хатшысының Ирактағы арнайы өкілі Ян Кубиштің мәлімдемесіне қарағанда, Иракта биыл бұл мереке ИГИЛ-ді жеңумен есте қалды. Оның айтуынша, Наурыз – бұл жеңіс үшін өз өмірлерін бергендерді, ирак халқының ерлігі мен жеңісін еске алатын күн.