2018 жылдың 1 сәуірі күні «Евразия» спорт кешенінде облыс әкімінің кубогы үшін бал билерінен «QYZYLORDA OPEN-2018» халықаралық турнирі өтеді. Қызылорда облысы әкімдігінің қолдауымен және ҚР ұлттық билері кеңесінің бастамасымен ұйымдастырылатын турнир Астана қаласының 20 жылдығы мен Қызылорданың 2 ғасырлық мерейтойына арналған. Ұйымдастырушы – облыстық мәдениет, архивтер және құжаттама басқармасы.

Ұйымдастырушылардың айтуынша, шара мемлекеттік жастар саясатаның 2020 жылға дейінгі тұжырымдамасын жүзеге асыру, өңірде бал билері өнерін дамыту, өскелең ұрпақтың шығармашылығын шыңдау және талантты қыз-жігіттерді қолдау мақсатында өтеді.

Турнирге ТМД елдері мен республиканың өзге облыстарынан барлығы 800-ге жуық адам қатысады. Мәселен, Ресей, Украина, Өзбекстан, Қырғызстан елдерінен, сондай-ақ Астана, Тараз, Шымкент, Қарағанды және т.б. қалалардан келген өнерпаздар бақ сынайды.

Сайыскерлердің өнерін Ресей, Украина, Өзбекстан, Қырғызстан және Қазақстанның білікті мамандарынан құралған қазылар алқасы, барлығы 24 төреші бағалайды.

Турнирді тамашалау тегін.

«QYZYLORDA OPEN-2018» турнирінің бағдарламасы

Өтетін күні. 2018 жылдың 1 сәуірі

Уақыты: басталуы сағат 10.00

Орны: «Евразия» спорт кешені

10.00 – балалар тобы

13.30 – балалар тобы

16.00 - балалар тобы

19.00 – жасөспірімдер тобы мен ересектер

Марапаттау рәсімі