Елімізге белгілі сатирик Жанатбек Байтеков енді "Ән мен әншіні" жүргізбейді деп хабарлайды "Ақмешіт жастары". Бұл туралы бүгін Қызылорда өңірлік коммуникация қызметінде өткен  брефингте жоба жетекшісі Сержан Молдасанұлы мәлімдеді.

– Жанатбекке үлкен алғыс айтамын. Жобаның қиын сәтінде жанымда бірге болып, қолдау көрсетті. Бүгінде ол өзінің жеке жобалық жұмыстарымен айналысуда. "Ән мен әнші" бүгін, ертең аяқталатын концерттік кеш емес. Егерде Жанатбек қайта ораламын десе есігіміз әрдайым ашық. Дегенмен қазір жүргізушілік құрамға әзілкештер Жұлдызай Дүйсенбиева мен Дәулет Бижанды қатарға қостық, – деді ол.

Айта кетейік, “ҚР Мәдениет және спорт министірлігінің қолдауымен руxани жаңғыру аясында ” Ән мен Әнші Ұлы Дала Астаналарында” жобасымен  Қазақстанның өнер жұлдыздары еліміздің көне Астаналарын аралап, концерт беруде.