ЖАСТАР КҮНІ КӨПТІҢ ЕСІНДЕ ҚАЛДЫ
Облыстық жастар саясаты мәселелері басқармасының "Жастар ресурстық орталығы" КММ ұйымдастыруымен "Жастар фестивалі" өтті. Сыр жастары төл мерекесінде экстремальды спорт түрлері бойынша сынға түсті. Сондай-ақ «Толағай» жас отбасылар сайысы да қызыққа толы болды. Спортты серік еткендер асық атып, қарбыз көтеріп те сайысты. Ауқымды шарада жасотандықтар түрлі сала бойынша өңірде қолға алынған жоба-бастамалар жөнінде кеңінен ақпар берді.
Талғат Тілес, «Жас Отан» жастар қанаты облыстық филиалы төрағасы:
– «Open Consultation» жобасын іске қостық. Бұл жобаның мақсаты – аудан көп шоғырланатын жерде кеңес беру. Кәсіпкерлікті дамытуға байланысты қандай грант, жеңілдік алады? Тұрғын үй бағдарламасы, оның ішінде облыстағы «Орда» жобасы, соның барлығы жастарға түсіндіріледі.
Облыс орталығымен қатар барлық аудандарда өткізілген жастар фестивалі әзіл мен ән кешіне ұласты.
