«Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтының және Қызылорда облыстық Білім және ғылым қызметкерлерінің кәсіподақ комитетінің бірлесіп ұйымдастыруымен өткізілген облыстық шығармашыл ұстаздардың «Тәжірибе алаңы» қорытындыланды.

Облыстық «Тәжірибе алаңы» барысында «Үздік ықшам сабақ – 2019» байқауы жаратылыстану-математикалық және қоғамдық-гуманитарлық бағытта өткізілді. Байқауда 20 қатысушы бас сынады. Ұйымдастырушы-сарапшылар байқауға қатысушылардың жұмыстарын сараптап, қорытынды жасады. Нәтижесінде Сырдария аудандық білім бөлімінің командасы «Алтын көмбеге» қол жеткізді. «Брейн-ринг – 2019» таным сағатына әр командадан 4 қатысушы қатысып, командалық сайыс өткізілді. Сайыс барысында әртүрлі пән бойынша логикалық сұрақтар қойылып, нәтижесінде озып шыққан командаларға жүлделі орындар берілді. І орынды  Арал аудандық білім бөлімінің командасы, ІІ орынды Жалағаш аудандық білім бөлімінің командасы, ІІІ орынды Қармақшы аудандық білім бөлімінің командасы иеленді.