Көп балалы аналардың 10 талабы орындала ма?
Астана қаласындағы Конгресс-Холл концерт залында көп балалы аналар жиналды. Олар кешегі өртте қаза болған бес баланың оқиғасына орай осындай жағдай тағыда қайталанбас үшін әрі өрт оқиғасында күлге айналған 5 бүлдіршіннің қазасының ар жағында көп балалы аналардың ортақ жағдайы бар деп өз мәселелерін билік басындағыларға жетікізіп, талаптарын қойды. Астана қаласы әкімінің орынбасары Ермек Аманшаев, тиісті министрлік департаменттері директорлары, сала басшыларымен кездескен ата-аналар көп балалыларға берілетін жәрдемақы мен баспана мәселесін көтерді. Белсенді әйелдердің бірі мінберге шығып, ортақ талаптарын оқыды.- Жөргекпұл ретінде ҚР азаматы болып табылатын әрбір туылған балаға 1000 АЕК көлемінде 1 реттік төлем жасалсын.
- Әрбір балаға кәмелеттік жасқа жеткенше ай сайын ең төменгі күнкөріс мөлшерінде жәрдемақы төленсін. Ол 29698 теңгені құрайды.
- Әрбір ана өз баласын үйінде отырып тәрбиелесе елімізде қылмыстар мен кездейсоқ қайғылы жағдайлар орын алмас еді. Ол үшін әрбір отбасындағы анаға 2019 жылы қабылданған ең төменгі жалақы мөлшері – 42500 мың теңге берілсін. Бұл аналар үшін қосымша табыс көзін іздемей баламен үйде отыруына көмек болуы керек.
- Отбасында 3 баласы барларға баспана жеңілдігі қамтамасыз етілсін. Ал, 4 бала немесе одан көп балалы отбасыларға, мүмкіндігі шектеулі балаларды асырап отырғандарға стандартқа сәйкес тегін баспана берілсін. Ол үшін арнайы тұрғын үй қоры жасақталсын.
- Бала 14 жасқа келгенше ана мен бала тегін емделсін.
- Еңбек кодексіне өзгерістер енгізіліп, кәмелетке толмаған баласы бар аналарды түнгі ауысымға қалдыруға тыйым салынсын.
- Қоғамдық көліктер көбейтіліп, оқушылар тегін жүрсін. Бастауыш сынып оқушыларына мектептерде бір мезгіл ыстық тамақ берілу қайтадан қалпына келтірілсін.
- Көп балалы отбасылардың балалары ЖОО-да тегін оқысын. Ал бір мезгілде бір немесе одан көп баласы оқитын отбасыларға мемлекет тарапынан 50 пайыздық жеңілдік берілсін.
- Дәл қазіргі күні басында баспанасы жоқ, бірақ несиесі бар отбасыларға 1000 АЕК несиесі кешірілсін.
- Ең соңғы талабымыз Еңбек және әлеуметтік қорғау министрі Мадина Әбілқасымова отставкаға кетсін.
Т.БАҒДАТҚЫЗЫ
