Қызылорда облысы Төтенше жағдайлар департаменті «Өрт сөндіру және авариялық-құтқару жұмыстары қызметінің» мәжіліс залында «Терроризм – әлеуметтік құбылыс ретінде және онымен күресудің тәсілдері» тақырыбында семинар-сабақ өткізілді. Сабақтың мақсаты - террористік қауіпке әрекет ету кезінде азаматтық қорғау қызметкерлерінің білімін қалыптастыру болып табылады. Осы сабаққа  дәріс оқу үшін Облыстық ішкі саясат басқармасы Дін мәселелерін зерттеу орталығының аға теологы Бақтияр Есенгелдіұлы Оспанов шақырылды.

Семинар-сабақ барысында аға теолог діни экстремизмнің алдын алу жөнінде өзінің қызметінде кездескен мысалдармен бөлісті.