Еңбек және халықты әлеуметтік қорғау министрі Бердібек Сапарбаев Үкімет отырысында толық емес отбасыларға қандай көмек көрсетілетін айтты. «Толық емес отбасыларға үйде жұмыс істеуге жағдай жасау, ауылда тұратын көпбалалы аналарға да қосымша тегін грант, микрокредит беру керек. Қазір таңда гранттар қаралған, ендігі ұсыныс – көлемі 505 мың теңгелік грантты кемінде 5 мың адамға беру. Дәл осындай микрокредитті көпбалалы аналарға, оның ішінде мүгедек балалары бар аналарға беруді қарастыру қажет. Кредит көлемі жобаларына байланысты – 500 мың теңгеден 20 млн теңгеге дейін. Онымен кемінде 10 мың адамды қамтуға болады», –деді Сапарбаев.