11 наурызда таңғы уақытта кезекші бөлімшеге Шиелі АПб-нің ЖПҚб-нің учаскелік полиция инспекторы полиция майоры Дархан Мажиханов Шиелі ауданы Бірлестік ауылының тұрғыны ауылдасының мал қорасынан 5 (бес) бас қойды жасырын ұрлап бара жатқан автокөлікті ұстап тұрғаны жайлы хабарлаған.

Тексеру барысында, автокөліктің ішінде болған азамат, Маханбет ауылының тұрғыны, жасырын қойларды ұрлағысы келген. Сол жерде учаскелік полиция инспекторы ауыл тұрғындарының көмегімен күдіктіні ұстаған.

Оқиға болған жерден 5 (бес) бас қой дәлелдеме ретінде алынып, қолхат арқылы жәбірленушіге қайтарылды.

Аталған мал ұрлығы дерегі бойынша  ҚР ҚК-нің 188-бабының 2-бөлігімен сотқа дейінгі тергеп-тексеру амалдары жүргізілуде.

Сонымен қатар, күдікті тұлғаның басқа да қылмыстарға қатыстылығы тексерілуде.

            Қызылорда облысы Полиция департаментінің баспасөз қызметі