Атырау қаласының халықаралық әуежайында полиция қызметкері жолаушы әйелдің аяғынан байқаусызда атып алды деп хабарлайды KAZ.NUR.KZ.

"29 наурыз күні Атырау қаласындағы халықаралық әуежайда жеке тексеру бөлмесінде полицияның желілік бөлімінің патрульдік-бекет қызметінің қызметкері абайсызда қарумен оқ атып алған.Оқиға сағат 17:40 кезінде полицей бір банктің инкассация қызметінің қызметтік қаруларын тексеру барысында орын алған. Оқиға салдарынан қала тұрғынының аяғына оқ тиіп, жарақаттанды. Жолаушы әйел бірден медициналық мекемеге жеткізілді", - деп мәлімдеді көліктегі полиция департаменті өз хабарламасында.