Биылғы наурызда ең төмен күнкөріс деңгейінің шамасы – 27 405 теңге. «Негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы ең төмен күнкөріс деңгейінің шамасы 2019 жылғы наурызда 2018 жылғы желтоқсанмен салыстырғанда 3,6 пайызға жоғарылады» деп Статистика комитет мәлімдеді. Ет пен балықты сатып алуға жұмсалған шығыстардың үлесі  20,3 пайызды құрады. Ал сүт, тоң май өнімдері мен жұмыртқаға – 16,2 пайыз, жеміс пен көкөніске 8,7 пайыз деңгейінде жұмсалды. Нан және жарма өнімдеріне шығыстар 7,6 пайыз болса, қант, шай және дәмдеуіштерге жұмсалған қаржы 2,2 пайызды құрады.