WECON  ‒ жергілікті кәсіпкер әйелдердің бизнестегі жетістіктерімен танысуға, бизнес-тренинг кезінде Еуропалық қайта құру және даму банкінің өкілдерінен кеңес алуға мүмкіндік беретін конференция. Ұлттық экономика министрлігінің қолдауымен, Еуропалық қайта құру және даму банкінің ұйымдастыруымен Сыр өңірінде өткен «WECON-19» аймақтық конференциясына 47 кәсіпкер-әйел қатысты.

– Қазақстандық кәсіпкер әйелдер үшін өз кәсібін жетілдіру үшін білім алу өте қажет. Алайда, ірі мегаполистерде болмаса, өңірлердегілер үшін жаңалыққа ілесіп отыруға мүмкіндік бола бермейді. Сол себепті біз бұл шараны өңірлерде ұйымдастырудамыз. Біздің мақсатымыз – кәсіпорындардың қанатын кеңге жаюына көмектесу. Шағын кәсіптен орта бизнеске, орта кәсіпкерліктен ірі компанияға айналуына септігімізді тигізу,– дейді Еуропалық қайта құру және даму банкінің «Кәсіпкерлік саласындағы әйелдер» бағдарламасының Қазақстандағы үйлестірушісі Евгений Сон.