«Жастар жылы» аясында шара Жаңақорған ауданындағы «Талдысу» олимпиадалар және қосымша білім беру орталығында өтіп жатыр.

Онда жастардың үздік идеяларын қолдау мақсатында «Jas Otan» жастар қанаты мүшелерімен қатар республиканың әр аймағынан 100-ден аса белсенді, сондай-ақ мүмкіндігі шектеулі, әлеуметтік тұрмысы төмен отбасынан шыққан, NIT санатындағы жастар қатысуда.

«Жастар-Отанға!» республикалық жастар лагерінде бүгінгі буынның әлеуметтік жауапкершілігін арттырып, дарынды жастардың ұтқыр идеялары мен жобаларына

қолдау көрсету, әр аймақтан жиналған жастардың бір-бірімен және белгілі тұлғалармен тікелей диалог құруына ықпал жасау көзделген. Лагерьде түрлі ойындар, спорттық сайыстар өткізіліп, үздік деп танылған жеңімпаздарға арнайы дипломдар табысталады.