"Арал" ғылыми-туристік орталығы базасында ғылыми және туристік қызметті үйлестіру, жас ғалымдардың  шығармашылық көзқарасы рухында жаңа диолог алаңын құру және әлемдік ғылыми тәжірибені қолдана отырып, инновациялық технологияларды енгізу жолымен Арал теңізінің экологиялық мәселелерін зерттеуге және шешуге күш-жігерді бағыттау мақсатында 9-18 тамыз аралығында Халықаралық Аралды құтқару қоры мен Қазақстан-Неміс университеті бірлесіп, ауданда магистранттар үшін Арал теңізінде жазғы мектебін ұйымдастырды.

Жазғы мектепке Орта Азия мен Еуропалық Одақ елдерінен 20 магистрант қатысты. Магистранттар Кіші Арал теңізі, Барсакелмес қорығы, ежелгі Кердері қаласының қазындылары мен Бегім-Ана кесенесімен танысты. Сондай-ақ Абай атындағы кітапханада Coworking орталығымен танысып, Аралдың белсенді жастарымен жүздесті. Жиын барасында аудандағы мемлекеттік жастар саясатының жүзеге асырылу барысы тыңдалып, ұсыныс-пікірлер айтылды.