Атышулы "Қалаулым" қатысушысы жасы үлкен келіншекпен байланыста болғанын ашып айтты. Ілияс Бордатханов проблемаға тап болған әйелге көмектесіп, артынша достасып кеткен. Бұл туралы бұрынғы "қалаулымдық" жігіт Шах-Керім Кәрменовке бергенсұхбатында баяндады.
Өзін "брендке" теңейтін Ілияс көңіл қосқан әйелінен пайда көруді мақсат тұтпапты.
Ілиястың сөзінше, бұл қарым-қатынас проблемаға кезіккен нәзік жандыға көмектесуден басталған көрінеді. Содан бері келіншек пен жігіттің арасы жақындай түсіпті.

"Мен ол кісінің өмірін құтқарып қалған болатынмын. Өйткені, екеуміз көлікпен түсіп бара жатқанда ол ішіп алып, жылап отырды. Көлігін селкеңдеп айдап келе жатқанын көрдім.

Алдына шығып, терезеден "не болды?" деп сұрасам, "өз проблемаларым болып жатыр" деді. Мен ол үшін қорықтым, расымды айтайын. Тоқтатып, сөйлескен соң бәрін айтты. Мен оны адам ретінде түсініп, қолдауымды бердім. Ол "спасибо, дорогой" деген соң ары қарай сөйлесуге қарсы емес екенімді айттым.

Солай жалғасты, оған ғашық болған жоқпын. Мұндай жағдай 80 пайыз еркектің басынан өткен шығар, жасыратыны жоқ",- деді Бордатханов.