Қазақстанның халық әртісі Роза Рымбаева «Оңай емес» бағдарламасына сұхбат беріп, өнері мен өмірі, ата-анасы мен бала-шағасы жайлы сыр шертті.
«Мен бақытты әншімін. Үлкен сахнаға 18 жасымда шығып, танымал болып кеттім. Халық мені еркелетеді. Бірақ, өмірде әйел ретінде бақытсызбын, ана ретінде бақыттымын. Себебі өмірімдегі ең үлкен өкінішім жолдасым Тасқынның өмірден өтіп кетуі. Ол кісінің орны әрдайым менің жүрегімде. Алла Тағала адамға өзі көтере алатын қиыншылықты береді. Төзімділіктің, еңбектің, өнердің арқасында бұл өмірде аман қалдым деп ойлаймын. Осы күнге жеттім»-дейді әнші.