Үйінен шыға алмайтын мүмкіндігі шектеулі жастардың тұрғылықты жерінде тұлғаны дамытуға бағытталған семинар-тренинг.

Қызылорда облысының жастар саясаты мәселелері басқармасының қолдауымен «Қызылорда облысының жастар Одақтары» қоғамдық бірлестігінің ұйымдастыруымен 21-22 желтоқсан аралығында, қаламыздағы үйден шыға алмайтын мүмкіндігі шектеулі, өмірге құштар ерекше жандардың тұрғылықты жерінде кәсіби тренердің қатысуымен тұлғалық дамуға бағытталған семинар-тренинг өткізілді. Тренингті психолог маман Жолдығылов Қайсармен сұқбат жүргізіп, тұлғалық дамыту мақстында «Ойлан тап», «Бәрі де өз қалыңда», «Оның есесіне мен....» тақырыбында ойындар ойнатты. Сонымен қатар «Қызылорда облысының жастар Одақтары» ҚБ-нің төрағасы С. Әбіл жастар жылымен құттықтап, жастар атынан естелік сыйлық тапсырды. Осы сынды кездесу тренингтер 5 үйде өз жалғасын тапты. Солардың бірінде Ақмешіт м/а тұратын Көнебаев Гүлдана есімді қыз өз алғысын білдіріп психолог маманмен жеке сұқбат жүргізді.