Бүгін Қызылорда қаласы білім бөліміне қарасты қосымша білім беру оқу-әдістемелік орталығында «Дарынды жұлдыздар – 2020» олимпиада жеңімпаздарын марапаттау рәсімі болып өтті. Марапаттау рәсімін Қызылорда қаласы білім бөлімінің басшысы М.Әбдіхалықова ашып беріп, оқушыларға алдағы өткізілетін түрлі байқауларға сәттілік тіледі. Бұдан бөлек, Қызылорда қаласы білім беру ұйымдарының кәсіподақ комитеті Орынша Міржақыпқызы мен ардагер ұстаз Зоя Серғазықызы оқушыларды жеңісімен құттықтап, алғыс хаттар мен бағалы сыйлықтармен марапаттады.

Айта кету керек, 2019 жылдың 5-6 желтоқсан аралығында Тәкей Есетов атындағы мектеп-лицей базасында жалпы білім беретін пәндер бойынша Республикалық олимпиаданың ІІ (қалалық) кезеңі өткізілген болатын. Олимпиада 13 ғылым негіздері пәндері бойынша өткізілді.

Олимпиаданың мақсаты мен міндеттері: оқушылардың шығармашылық қабілеттерін дамыту, теориялық білім мен практикалық іскерлікті тереңдету, тұлғаның өзін-өзі жүзеге асыруына жәрдемдесу, білім алушыларды халықаралық олимпиадаларға қатысуға іріктеу және дайындау, Қазақстан Республикасында білім берудің беделін арттыру болып табылады.

2019-2020 оқу жылында жалпы білім беретін пәндер бойынша Республикалық олимпиаданың І /мектепішілік/ кезеңіне 54 мектептен 8-11 сынып оқушылары арасынан 6034 оқушы қатысты.

Қалалық кезеңге бөлімге қарасты білім ошақтарынан 9-11 сынып оқушылары арасындағы І (мектепішілік) кезеңде жеңімпаз атанған 1228 оқушы ІІ (қалалық) кезеңге қатысты. Оның ішінде қазақ бөлімінде оқитын 1092, орыс бөлімінде - 136 оқушы өз білімдерін сынайды.

2019-2020 оқу жылында жалпы білім беретін пәндер бойынша республикалық олимпиаданың облыстық кезеңіне қала мектептерінен 456 оқушы жүлдегер атанды: жаратылыстану-математикалық бағыт бойынша 220 оқушы, қоғамдық-гуманитарлық бағыт бойынша 236 оқушы.

Қатысушылардың 456-і жүлделі орындарға ие болды: І орын – 44, ІІ орын – 130, ІІІ орын - 282.

Республикалық олимпиаданың ІІ (қалалық) кезеңінің І орын жеңімпаздары 2020 жылдың 5-6 қаңтар күндері өтетін ІІІ облыстық кезеңге қатысты.

ҚР БҒМ бұйрығына сәйкес Олимпиаданың IV (қорытынды) кезеңін: Қарағанды облысының білім басқармасымен бірлесе отырып, жаратылыстану-математикалық бағыттағы пәндер бойынша 2020 жылғы 16-21 наурыз аралығында;

бойынша Алматы облысының білім басқармасымен бірлесіп қоғамдық-гуманитарлық бағыттағы пәндер бойынша Талдықорған қаласында 2020 жылдың 25-29 наурыз аралығында өткізу жоспарлануда