"Ессіз отбасы": Айқынмен бірге айқайлап өлең айтқан Жұлдыз Өмірғали сынға ілікті (ВИДЕО)
Отандық шоу-бизнестегі жұлдыздардың бірі Айқын Төлепберген мен Жұлдыз Өмірғали желіде отабсылық видеосымен, оқырмандар тарапынан сөгіс алды. Желі қолданушылары, әсіресе, әншінің жарын қатты сынады. Оларға кезінде "Кешью" тобында өнер көрсеткен сылқымның айқайлап сөйлегені жақпай қалған деп жазады KAZ.NUR.KZ.
Жұлдызды ерлі-зайыптылардың бейнежазбасы Айқынның Instagram парақшасында жарияланған.
Видеода әншілер желідегі оқырмандарына сәлем жолдап, өздері түскен отандық бағдарламаны көруге шақырады. Алайда, отағасына Жұлдыздың дауысы ақырын естіліп, ол оған қаттырақ айтуға кеңес береді.
Жолдасының бұл ескетуін қалт жібермейғ бірден орындаған әнші қатты айқайлап сөйлеп кеткен.
Желі қолданушылары Жұлдыз Өмірғалидің бұл қылығын ұнатпай қалып, оған қарсы кері пікірлер жаудырды.
"Жұлдызға бұлай айқайлаған жараспайды" , "Жап-жақсы бастап едің, соңында айқайлап кеткенің дұрыс болмады" , "Сонша айқайлаудың не керегі бар?" , "Жұлдызға ұрысқақ әйелдің рөлін сомдау керек" , - деп жазуда көпшілік.
Оқырмандар арасында қос ғашықтың видеосын көріп, күлкіге қарық болып, оларға бақыт тілеп жатқандар да болды.
Пікір қалдыру
