6-11 cәуір аралығында Коронавирус пандемиясына байланысты енгізілген карантиннің сақталуына және ТЖ кезінде төленетін қаржылай көмекке өтінім тастау бойынша акция ұйымдастырылып, 6 рет түнгі рейд жүргізілді. Шара Қызылорда облыстық ішкі саясат басқармасы және «Ашық Азаматтық Қоғам» ақпараттық-ресурстық орталығының ұйымдастыруымен ҰЕҮ-мен және еріктілермен бірлесіп, «Тұрғындардың құқықтық сауаттылығын арттыруға байланысты ақпараттық-насихаттық шаралар ұйымдастыру» әлеуметтік жобасы аясында өтуде.

Акцияда халыққа жадынамалар, медициналық бетперделер және ақпараттық плакаттар таратылды.

Жоба аясында 600 дана әдістемелік нұсқаулықтар мен ақпараттық плакаттар басып шығарылып, Фейсбук және Инстаграм желілерінде Тұрғындардың құқықтық сауаттылығын арттыруға байланысты ақпараттық-насихаттық @halyq2020 парақшалары ашылып, 8 708 870 37 78 нөмірі арқылы кеңестер берілуде.