Қызылорда: Мүмкіндігі шектеулі жандардың мәселесі қаралды
Kyzylorda-news.kz. Облыс әкімінің орынбасары Серік Ахмет жұмыс сапарымен Қармақшы ауданы мен Байқоңыр қаласында болды.
Сондай-ақ, облыс әкімінің орынбасары мүмкіндігі шектеулі азаматтармен кездесті. Онда «Мүгедектерді қорғау «Байқоңыр жігері» жергілікті қоғамдық бірлестігінің жетекшісі Жүсіп Қошқарбек бірқатар өзекті мәселе көтерді. Олардың арасында инватакси қызметінің сапасын жақсарту мен Байқоңыр қаласы бойынша әлеуметтік қамсыздандыру бөлімін ашу сияқты ұсыныстар бар.
Әрі қарай облыс әкімінің орынбасары Төретам кентіне барып, жергілікті және Ақай ауылдық округінің еңбек ардагерлерімен кездесті. Онда өскелең ұрпаққа рухани-өнегелік тәрбие беру мәселесі талқыланды. Жергілікті әкімдік пен ауылдық округтің басшылығына жастарды қазақстандық патриотизм бағытында тәрбиелеу ісіне еңбек ардагерлерін белсенді жұмылдыру жөнінде тапсырма берілді.
Аймаққа жасаған жұмыс сапарын қорытындылай келе облыс әкімінің орынбасары жергілікті атқарушы органдарға нақты тапсырмалар жүктеді.