Қызылорда қалалық «Ақмешіт апталығы» газеті бас редакторының міндетін атқарушы болып Батырбеков Әзиз Жұмаділдаұлы тағайындалды.
Батырбеков Азиз Жұмаділдаұлы 1983 жылғы 6 желтоқсанда Қызылорда облысы Шиелі ауданында дүниеге келген.

Астана қаласындағы Қазақстан – Ресей университетін филология мамандығы бойынша бітірген.

Еңбек жолын 2006 жылы Қызылорда гуманитарлық заң колледжінде оқытушы болып бастаған. 2007-2009 жылдары Шиелі ауданындағы №45 «Ақ Орда» мектеп-гимназиясында мұғалім, 2009-2010 жылдары Астана қаласындағы Қазақ технология және бизнес университетінде факультет деканының тәрбие ісі жөніндегі орынбасары, 2010-2012 жылдары Қазақстан Республикасының Төтенше жағдайлар министрлігі Астана қаласының төтенше жағдайлар жөніндегі департаменті «Мемлекеттік тілді дамыту және аударма» бөлімінің бастығы, 2012-2017 жылдары Шиелі аудандық «Өскен өңір» газетінде тілші, бөлім меңгерушісі, Қызылорда қалалық «Ақмешіт апталығы» және облыстық «Сыр бойы» газеттерінде тілші болып қызмет атқарған.

2018 жылдың қаңтарынан қыркүйек айына дейін облыстық «Сыр бойы» газетінің жауапты хатшысы болған. 2018 жылдың 7 қыркүйегінен осы уақытқа дейін дейін аудандық «Жалағаш жаршысы» газетінің бас редакторы лауазымын абыроймен атқарып келді.

Әзиз Жұмаділдаұлы – Қазақстан Журналистер одағының мүшесі, аудандық, облыстық, республикалық жыр мүшәйраларының жүлдегері. Өлеңдері мен очерктері және ғылыми-танымдық мақалалары бірнеше жинақтар мен кітаптарға енген. ҚР Тұңғыш Президенті – Елбасы Н.Назарбаевтың «Алғыс хатымен» марапатталған.