Димаш екінші рет Қытайда «Жылдың ең танымал әншісі» атанды
Қазақстандық әнші Димаш Құдайбергенов «Top global Chinese music awards» байқауында «Жылдың ең танымал әншісі» марапатын иеленді.
«Жыл сайын марапаттау рәсімін Top global Chinese music awards аясында CCTV арнасы өткізеді. Аталған рәсім кезінде маған осымен екінші рет «Жылдың ең танымал әншісі» марапаты ұсынылып отыр. Мен сіздерді қатты жақсы көремін. Махаббаттарыңыз үшін көп рахмет», - деп жазды Димаш өзінің Instagram парақшасында.
Естеріңізге сала кетсек, осы уақытқа дейін Димаш Құдайберген Global Golden Chart Awards рәсімінде Қытайдың ең танымал әншісі атанған болатын. Мұнымен қатар, жыл соңында IQIYI awards нұсқасы бойынша Қытайдағы жыл әншісі болып таңдалды. Сондай-ақ, MTV Music Awards, Asian Music GaLa марапаттарын иеленді.
