ӘКІМ ГРАНТЫ БӨЛІНДІ
Жылдағы дәстүр бойынша білім беру мекемелерінде аймақтың әлеуметтік-экономикалық дамуын айқындайтын өңірге қажетті мамандықтар бойынша облыс әкімінің– 205 гранты бөлінді. Аталған жеңілдікке әлеуметтік тұрғыдан халықтың осал тобынан шыққан оқушылар өңірге қажетті мамандық бойынша білім алады. Мәселен, техникалық ғылым және технология – 80, білім – 78, қызмет көрсету – 1, өнер – 11, әскери іс және қауіпсіздік – 15, денсаулық сақтау және әлеуметтік қамтамасыз ету мамандығына – 20 грант бөлінген.Үміткерлерден құжатты қабылдау 1 тамыздан бастап, тұрғылықты жері бойынша қалалық, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі арқылы жүргізіледі.
