“Түнгі студия” бағдарламасы жаңа маусымға дайындалып жатыр. Көрермен бағдарламадағы жанама жүргізушілікті кімнің тізгіндейтінін білмей әлек, деп хабарлайды Stan.kz ақпарат агенттігі.Бұған дейін бағдарламада жүргізушілік қызметте болған блогер Эльвира Ерғалина өзінің орнынан кететінін айтқан еді. Ол басшылықтың не себепті орнынан алғанын түсінбей, басқа біреу осы орында отырғысы келген шығар деп болжады.
Ал, бағдарламаның негізгі жүргізушісі Қайрат Әділгерей Аша Матайдың студияда түскен суретін парақшасына жариялады. Сурет астына “Жаңа маусым” деп жазды.
Желі қолданушылары бірауыздан Эльвираның орнына Аша Матай келеді деп болжады. Әзірге Аша Матайдың “Түнгі студия” бағдарламасына қосымша жүргізуші ретінде келетіні туралы нақты ақпарат жоқ.