Қызылорда облыстық басымды жобалары жөніндегі сарапшылар кеңесінің отырысында облысытық мәдениет, архивтер және құжаттама басқармасының басшысы Мира Әбуованың айтуынша, жүзеге асырылып жатқан жобалар қатарында «Өнер арбаты», Қызылорда облысының тарихи-мәдени мұра объектілерінің 3D форматтағы интерактивті картасын әзірлеу, облыс көлеміндегі тарих және мәдениет ескерткіштеріне QR-код орнату, «Жастар таңдайды» және «Ля-ля-фа» балалар мюзикл студиясын ашу бар.

«Жастар таңдайды» жобасы аясында 2018 жылдың ақпан–қараша айларында облыс орталығы мен аудандарда 18-29 жастағы жастар оқитын 100 кітап анықталды. Жоба негізінде тақырыптық кездесулер мен дебаттар ұйымдастырылды және «BOOK-кафе жұмысын бастады. Сонымен қатар, коворкинг орталығы мен АРТ-студия ашылды. Осылайша, кітапхана жастар жиі бас қосатын нағыз заманауи білім орталығына айналды. Ал оқырмандар саны 31 мың оқырманды құрады», - дейді Мира Әбуова. Одан бөлек Қызылорда қаласында балаларға сахна мәдениетін оқытуға арналған «Ля-ля-фа» балалар мюзикл студиясы ашылды. Ағымдағы жылдың 24 қазанында Т.Бекежанов атындағы музыкалық драма театрында Тілеген Бекарыстановтың «Таусылмасын ертегім» қойылымымен ашылды. 2019 жылға «Рухани жаңғыру» бағдарламасы аясында басқарма «Жыр мұра», «OPEN AIR CINEMA», «Village life» (Туған жеріңді таны) және «Мәртебелі классика!» жобалары жасақталды.