АҚШ президенті Дональд Трамп Корей соғысы кезінде қаза тапқан америкалық сарбаздардың сүйегін табыстағаны үшін Ким Чен Ынға алғыс білдірді. Сонымен қатар, Трамп «жағымды хат» жібергені үшін Ким Чен Ынға ризашылығын білдірді. Сөз арасында ол Солтүстік Корея басшысымен жеке кездесуді тағаттана күтетінін жеткізді.

Бұған дейін Ақ үй америкалық сарбаздардың сүйегі АҚШ-қа жеткізілгендігін хабарлаған. Ол жөніндегі келіссөз12 маусым күні Сингапурде Трамп пен Ким Чен Ын кездесуі барысында жасалған еді. Корея Республикасының Осан әуебазасында жауынгерлердің сүйегін еліне оралту салтанаты өткізілген болатын.