Ғалымдар COVID-19-дан көз жұмған адамдардың миынан вирусты тапқан. Бұл ауру тудырушылардың жүйке жүйесін де зақымдайды дегенді білдіреді. Зерттеушілер орта жасы 76-ны құрайтын қайтыс болған 43 науқастың миына зерттеу жүргізген. Олардың көпшілігі асқынып кеткен созылмалы аурулар мен өкпе қабынуынан көз жұмған сыңайлы.

Мамандар вирус ми мен адамның өзге де ағзаларын байланыстыратын жүйке арқылы таралғанын алға тартады. Сөздерінше, кейбір адамдардың денесінен мидың қызметі бұзылуына алып келетін бірқатар асқыну белгілері анықталған.