ҚЫЗ ТӘРБИЕСІ – ҚОҒАМ ТӘРБИЕСІ
Қыз тәрбиесі қашанда өзектілігін жойған емес. Қазақта «қызға қырық үйден тыйым» деген сөз бар. Бүгінде бұл сөз қаншалықты қолданысқа ие? Клуб кезіп, сыра ішіп жүрген қыздар қайдан шықты? Осы және өзге де сұрақтардың жауабы. Байқоңыр қалалық жастар ресурстық орталығының ұйымдастыруымен өткен шарада талқыланды. Қыздар арасында кездесетін келеңсіз жағдайлар мен жат қылықтардың, ерте жүктіліктің алдын алу, адамгершілік жағынан тәрбиелеу мақсатында өткізілген конференцияға №274 орта мектептің жоғарғы сынып оқушылары қатысты. Шара барысында «Дін мәселелерін зерттеу орталығы» Байқоңыр қалалық бөлімшесінің теолог маманы Күнмырза Нұрсұлтан жастармен еркін пікір алмасты.
