Мамандар «білім депозитін» қанша теңгемен ашуға болатынын айтты
Білім депозитін ашу үшін енгізілетін алғашқы салым үш айлық есептік көрсеткішті құрайды. Бұл жөнінде Орталық коммуникациялар қызметінде өткен брифинг барысында «Қаржы орталығы» АҚ Білім беру қызметтеріне ақы төлеу жүйесін дамыту департаментінің менеджері Алпамыс Сатыбалдин мәлімдеді.«Бөлінген мемлекеттік сыйақының жалпы сомасы 1,6 млрд теңгеден асады. Алғашқы салынатын жарна көлемі 3 АЕК құрайды. 2018 жылы ол 7215 теңге шегінде болып отыр. Яғни, білім депозитін ашу үшін осы соманы салып, әрі қарай қаражат жинақтай беруге болады», – деді Қаржы орталығының өкілі.
Департамент менеджері депозиттегі келесі толтырулардың мерзімі мен көлеміне қатысты ешқандай шектеу жоқ екенін айтты.
