ЖАС АҚЫНДАР АЙТЫСТЫ
Қармақшы ауданы Жосалы кентінде «Жыраулар үйінде» Елбасы Н.Назарбаевтың «Болашаққа бағдар: Рухани жаңғыру» мақаласы аясында және Астана қаласының 20 жылдығына орай «Алтын тұғыр – ақ орда, арайланған Астанам» атты облыстық жас ақындар айтысы өтті.
Айтысқа айдынды Аралдан бастап, қарт Қаратауға дейінгі аймақтан 8 жас ақын қатысты. Қазылар алқасының шешімімен бас жүлдені аралдық Бексұлтан Орынбасаров иеленсе, І орын Қызылордалық Зере Алматқа бұйырды. Сонымен қатар ІІ орынды жалағаштық Сандыбай Піржан қанжығасына байласа, жүлделі ІІІ орынды Жақсылық Ешмұратов иеленді. Сөз сайысында ерекшеленген Перизат Мешітбай, Еркебұлан Серіков, Мадияр Жасаңбаев, Бекзат Серіков ынталандыру сыйлықтарымен марапатталды.
