2017 жылғы 24 желтоқсанда әлеуметтік роликтерге арналған үздік идеялардың «Ниет» байқауына өтініш қабылдау аяқталды. Бұл туралы ҚР Ақпарт және коммуникациялар министрлігінің баспасөз қызметі хабарлайды. Бір ай ішінде қазақстандықтардан өзекті тақырыптарды қамтыған 600-ден астам сценарий келіп түсті. Қазіргі уақытта барлық жұмыс қазылар алқасының қарауына берілді. Байқау қорытындысы 2018 жылдың қаңтар айында жарияланады. Конкурсты Ақпарт және коммуникациялар министрлігі Astana Bank және Standart Life-пен бірлесе отырып ұйымдастырды. Бас жүлде - 1 миллион теңге және танымал режиссер Ақан Сатаевтың продюсерлігімен ролик түсіру мүмкіндігі.