Патриоттық әндер шырқалды
Қызылорда облысының жастар саясаты мәселелері басқармасының қолдауымен жəне "Қызылорда облысының жастар одақтары" қоғамдық бірлестігінің ұйымдастыруымен Астана қаласының 20 жылдығы жəне Қызылорда қаласының 200 жылдығына орай, жастар жəне "Жасыл ел" сарбаздары арасында караоке сайысы өтті. Шарада 15-ке жуық ерікті жас патриоттық ән шырқап, өз өнерін ортаға салды. Сайыс қорытындысы бойынша жүлделі І орынды Айдана Батырбаева иеленсе, ІІ орын Айзат Кетебайға, ІІІ орынды Айдар Имантайға бұйырды. Қала тұрғындарына көңілді кеш сыйлағаны үшін жеңімпаздарға бағалы сыйлық пен алғыс хат табысталды.
