"МЕКТЕПКЕ ЖОЛ" АКЦИЯСЫ БАСТАЛДЫ
Акция жыл сайын аз қамтылған және көпбалалы отбасы, жетім немесе ата-анасының қамқорлығынсыз қалған балаларды жаңа оқу жылына қажетті құрал-жабдықпен қамту мақсатында ұйымдастырылады. Бүгінде «Мектепке жол» акциясы аясында көмек көрсетуді қажет ететін балалар тізімі әзірленуде. Аталған тізім бойынша балалар әр мекемеге бекітіледі, «қауіпті топ» балаларын анықтауға байланысты рейдтік шара ұйымдастырылады. Сонымен қатар, «Балаға мейірім сыйла!», «Бар жақсылық балаларға», «Отбасы отбасыға көмек көрсетеді: балаларды мектепке дайындаймыз» атты қайырымдылық акциясы өтеді. Алыс елді мекенде мектеп формасы мен құрал-жабдықтардың жылжымалы жәрмеңкесі өтеді. Биыл 18765 бала алғаш рет мектеп табалдырығын аттайды. Ал, облыста қолайсыз отбасында 2241, көпбалалы отбасында 34803, тұрмысы төмен отбасында 18749 мектеп жасындағы бала тәрбиеленеді.
