«Әр отбасыдан бір тал» акциясы аясында облыстағы мешіт имамдарының, «Жастар ісі» секторының ұйымдастыруымен «Атамекен» отбасылық үлгідегі балалар ауылының ауласына көшет отырғызылды.
 «Ислам және отбасы» жылына орай ұйымдастырылған шарада облыстық өкіл имам Болатбек қажы Ұласқанұлы бастаған бір топ белсенділер: өкілдік жанынан құрылған «Шын жүректен» еріктілер тобы, мешіт жамағаттары мен жанашыр кәсіпкерлер 120 түп көшет отырғызып, көгалдандыру жұмыстарына үлес қосты. Оған қоса, осы мекемеге қажетті құралдар, дәлірек айтқанда, шөп қырқатын арба мен 5 суқұйғыш, 10 күрек, 10 тырма, 10 кетпен сыйға тартылды.
Облыстық «Ақмешіт-Сырдария»
мешітінің баспасөз қызметі