«Цифрлық Қазақстан» бағдарламасын жүзеге асырудың жолдары талқыланды. Бұл жайлы ҚР Премьер-министрінің орынбасары Асқар Жұмағалиев айтты.

«Біз «Цифрлық Қазақстан» мемлекеттік бағдарламасы жобаларын жүзеге асыруға жауапты ұлттық компаниялар өкілдері мен вице-министрлердің қатысуымен brainstorming өткіздік. Жиында #digitalkazakhstan бағыттары аясында идеяларды талқылап, KPI-ды анықтадық. Сондай-ақ, мерзімдерді белгіледік. Нәтижесінде барлық салалар бойынша ең өзекті әрі ең қызықты идеяларды іріктеп алдық. Көпшілігінде жақсы бастамалар бар. Әріптестер тәжірибемен бөлісіп, мәселелердің шешімін ұсынды. Ашық пікірсайыс, жанды тілдесу әрдайым жақсы нәтиже береді», - деп жазды Асқар Жұмағалиев Фейсбуктегі парақшасында.