Жерлесіміз жеңімпаз
АҚШ Мемлекеттік департаменті мен Астанадағы АҚШ елшілігінің ұйымдастыруымен «English with us» бренд елшілерінің байқауы өтті. Байқауға 300-ден астам өтінім келіп түскен сайысқа студенттер, оқытушылар, блогерлер, дəрігерлер, мемлекеттік орган қызметкерлері мен инженерлер қатысты.
Байқаудың басты мақсаты – ағылшын тілін үйренудің әдіс-тәсілдері мен жетістіктерін насихаттау. Тартысты өткен байқауда сала мамандары өз деңгейін, ағылшын тілін меңгерген ынтасын, бейне өтінімі мен оған ілеспелі мәтіннің сапасы мен түпнұсқалығы, сондай-ақ қатысушылардың жас ерекшеліктеріне байланысты бағаланды. Сайыс соңында қазылар алқасының шешімімен әр сала бойынша 8 қатысушы жеңімпаз атанды. Оның ішінде жерлесіміз Қорқыт ата атындағы Қызылорда мемлекеттік университетінің «Мұнай газ инжинирингі» кафедрасының оқытушысы Еркебұлан Әділбекұлы ағылшын тілін үйренуге арналған грант иегері атанды.
