Үлкен әлемге жол ашатын кітап
Ә.Тәжібаев атындағы облыстық кітапхана қызметкерлері жас ұрпақтың кітап оқуға қызығушылығын арттыру, сондай-ақ танымал қазақ және әлем балалары әдебиетін насихаттау мақсатында №101 Ә.Мүсілімов атындағы мектеп-лицейдің 4-сынып оқушылары «Үлкен әлемге жол ашатын – кітап» атты библиодесант ұйымдастырды.
Адам өміріндегі кітапхана мен кітаптың алатын орны, кітаптан, журналдан, энциклопедиядан оқып білуге болатын қызықты оқиғалар жайлы айтқан кітапханашының сөзінбалалар ықыласпен тыңдады. Оқушылар кітап жайлы өлеңдер оқып, қазақтың көрнекті жазушыларының туындысынан алған әсерімен бөлісті.Шара соңынан «Кім көп біледі?» танымдық викториналық ойын ойнатылып, қатысушылар танымдық энциклопедия және әлем елдері мен таңғажайыптар туралы түрлі-түсті безендірілген кітаптармен танысты. Шара соңынан балаларға арналған ертегілер, танымдық кітаптар 15 күн мерзімге мектепке қалдырылды. Бұл балалардың әдебиет әлеміне еркін танысуына мүмкіндік береді.
