Алматының бас мемлекеттік санитарлық дәрігері Жандарбек Бекшин қыркүйекте демалыс күндері карантин сақтала ма деген сауалға жауап берді. "Бәрі эпидемиялық ахуалға байланысты. Карантин алынғаннан соң 2 аптадан кейін коронавирустың өршіп кеткенін білесіздер. Қазір талап төмендеді, енді өзгерісті күтіп отырмыз. 2-3 аптадан соң біздің қаулымыз қандай нәтиже бергені белгілі болады. Егер індеттің жұғуы төмендесе, шектеу шаралары ары қарай төмендетіледі. Осының бәрі азаматарымыздың денсаулығы үшін жасалып жатқан шаралар", – деді Бекшин. Еске сала кетейік, бұған дейін ол қазан, қараша айларында коронавирус өршуі мүмкін екенін айтқан болатын.